The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Numbers 29English
Mbalo 29African Kalanga
- English1
“ ‘On the first day of the seventh month hold a sacred assembly and do no regular work. It is a day for you to sound the trumpets.
African Kalanga“Mu zhuba le kutanga le mwedzi we butendeka mube ne nshangano wakayengemala we kunamata, musitongobhata nshingo. I zhuba le kulidza nyanga.
- English2
As an aroma pleasing to the Lord, prepare a burnt offering of one young bull, one ram and seven male lambs a year old, all without defect.
African KalangaNgono muduse tjibhayilo tjinopisiwa kube nnuwho unonuwha zwinozipa kuna Yahwe, nkong'wana nng'ompela ne nyundo ing'ompela ne pkhwizana ndume dzina gole ling'ompela dzili kutendeka, dzose dzisina bulema.
- English3
With the bull prepare a grain offering of three-tenths of an ephah of fine flour mixed with oil; with the ram, two-tenths;
African KalangaMuduse ne tjipo tjinopisiwa tje mathunde tje bgwisa gwakanathiwa gwakashanganyiwa ne mafuta, tjilizanyo tje seme dzili thatu tjinopeleka nkong'wana ne tjilizanyo tje seme dzili mbili dzinopeleka nyundo
- African Kalanga
ne tjilizanyo tje seme ing'ompela inopeleka pkhwizana imwe ne imwe.
- African Kalanga
Kakale muduse phoko ing'ompela ye tjibhayilo tje tjibi, kuzwithamila gadzano na Yahwe.
- English6
These are in addition to the monthly and daily burnt offerings with their grain offerings and drink offerings as specified. They are offerings made to the Lord by fire–a pleasing aroma.
African KalangaPezhugwi kwa izwezwi muduse tjibhayilo tjinopisiwa tje mwedzi ugala ne tjipo tjatjo tje mathunde ne tjibhayilo tjinopisiwa tjakale ne tjipo tjatjo tje mathunde ne tjipo tjatjo tje tjing'o. Zojiwa izwezwi zwipo zwinonnuwha zwinozipa zwinopisiwa nge moto zwipisigwa Yahwe.
- English7
“ ‘On the tenth day of this seventh month hold a sacred assembly. You must deny yourselves and do no work.
African Kalanga“Mu zhuba le bugumi le mwedzi uwoyu we butendeka mube ne nshangano wakayengemala we kunamata, ngono muzwibhate, musitongo bhata nshingo.
- English8
Present as an aroma pleasing to the Lord a burnt offering of one young bull, one ram and seven male lambs a year old, all without defect.
African KalangaKoga muduse tjibhayilo tjinopisiwa, kube nnuwho unonuwha zwinozipa kuna Yahwe, nkong'wana nng'ompela ne nyundo ing'ompela ne pkhwizana ndume dzina gole ling'ompela dzili kutendeka, dzose dzibe dzisina bulema.
- English9
With the bull prepare a grain offering of three-tenths of an ephah of fine flour mixed with oil; with the ram, two-tenths;
African KalangaMuduse ne tjipo tjinopisiwa tje mathunde tje bgwisa gwakanathiwa gwakashanganyiwa ne mafuta e ntjelo we ntoba, tjilizanyo tje seme dzili thatu dze bgwisa tjinopeleka nkong'wana ne tjilizanyo tje seme dzili mbili dzinopeleka nyundo
- African Kalanga
ne tjilizanyo tje seme ing'ompela inopeleka pkhwizana imwe ne imwe ye dzili kutendeka.
- English11
Include one male goat as a sin offering, in addition to the sin offering for atonement and the regular burnt offering with its grain offering, and their drink offerings.
African KalangaKakale muduse phoko ing'ompela ye tjibhayilo tje tjibi, pezhugwi kwe tjibhayilo tje tjibi tje gadzano na Yahwe ne tjibhayilo tjinopisiwa tjakale ne tjipo tjatjo tje mathunde ne tjipo tjatjo tje tjing'o.
- English12
“ ‘On the fifteenth day of the seventh month, hold a sacred assembly and do no regular work. Celebrate a festival to the Lord for seven days.
African Kalanga“Mu zhuba le bugumi lina mashanu le mwedzi we butendeka mube ne nshangano wakayengemala musingabhate nshingo nge maboko. Ngono mulondolodze nzano wa Yahwe kwe mazhuba ali kutendeka.
- English13
Present an offering made by fire as an aroma pleasing to the Lord, a burnt offering of thirteen young bulls, two rams and fourteen male lambs a year old, all without defect.
African KalangaMube muyisa tjibhayilo tjinopisiwa, tjili tjipo tjinopisiwa mu moto kube nnuwho unozipa kuna Yahwe; mikong'wana ili gumi lina butatu ne nyundo dzili mbili, ne pkhwizana ndume dzili gumi lina dzili nna dzina gole ling'ompela, dzose dzisina bulema.
- English14
With each of the thirteen bulls prepare a grain offering of three-tenths of an ephah of fine flour mixed with oil; with each of the two rams, two-tenths;
African KalangaNe tjipo tjazo tje bgwisa gwakanathiwa gwakashanganyiwa ne mafuta e ntjelo we ntoba, ne tjilizanyo tje seme dzili thatu dze bgwisa dzinopeleka nkong'wana mmwe ne mmwe, ne tjilizanyo tje seme dzili mbili dze bgwisa dzipeleka nyundo imwe ne imwe,
- African Kalanga
ne tjilizanyo tje seme ing'ompela ipeleka pkhwizana imwe ne imwe.
- English16
Include one male goat as a sin offering, in addition to the regular burnt offering with its grain offering and drink offering.
African KalangaKakale muyise ne tjibhayilo tji nng'ompela tje phoko tje tjibi, pezhugwi kwe tjibhayilo tjinopisiwa tjakale ne tjipo tjatjo tje mathunde ne tje tjing'o.
- English17
“ ‘On the second day prepare twelve young bulls, two rams and fourteen male lambs a year old, all without defect.
African Kalanga“Mu zhuba le bubili muyise tjibhayilo tje mikong'wana ili gumi lina mibili ne nyundo mbili, ne pkhwizana ndume dzina gole ling'ompela dzili gumi lina dzili nna, dzose dzisina bulema.
- English18
With the bulls, rams and lambs, prepare their grain offerings and drink offerings according to the number specified.
African KalangaNe tjipo tje mathunde ne zwipo zwe tjing'o, zwinoyisiwa ne mikong'wana ne nyundo, kuyendidzana nge mbalo yadzo.
- English19
Include one male goat as a sin offering, in addition to the regular burnt offering with its grain offering, and their drink offerings.
African KalangaKakale muyise ne phoko ing'ompela ili tjibhayilo tje tjibi, pezhugwi kwe tjibhayilo tjinopisiwa tjakale ne zwipo zwazo zwe mathunde ne zwe tjing'o.
- English20
“ ‘On the third day prepare eleven bulls, two rams and fourteen male lambs a year old, all without defect.
African Kalanga“Mu zhuba le butatu muyise tjibhayilo tje mikong'wana ili gumi lina nng'ompela ne nyundo mbili ne pkhwizana ndume dzili gumi lina dzili nna dze gole ling'ompela, dzose dzisina bulema.
- English21
With the bulls, rams and lambs, prepare their grain offerings and drink offerings according to the number specified.
African KalangaNe tjipo tje mathunde ne tje tjing'o zwiyisiwe ne mikong'wana ne nyundo ne pkhwizana, kuyendidzana nge mbalo yazo.
- English22
Include one male goat as a sin offering, in addition to the regular burnt offering with its grain offering and drink offering.
African KalangaKakale muyise ne phoko ili tjibhayilo tje tjibi, pezhugwi kwe tjibhayilo tjinopisiwa tjakale ne tjipo tjatjo tje mathunde ne tje tjing'o.
- English23
“ ‘On the fourth day prepare ten bulls, two rams and fourteen male lambs a year old, all without defect.
African Kalanga“Mu zhuba le bunna muyise tjibhayilo tje mikong'wana ili gumi, ne nyundo mbili, ne pkhwizana ndume dzili gumi lina dzili nna dzina gole ling'ompela dzose dzisina bulema.
- English24
With the bulls, rams and lambs, prepare their grain offerings and drink offerings according to the number specified.
African KalangaMuyise ne tjipo tje mathunde ne zwipo zwe tjing'o, muzwiyise ne mikong'wana ne nyundo ne pkhwizana kuyendidzana nge mbalo yadzo.
- English25
Include one male goat as a sin offering, in addition to the regular burnt offering with its grain offering and drink offering.
African KalangaKakale muyise ne tjibhayilo tje phoko tje tjibi, pezhugwi kwe tjibhayilo tjinopisiwa tjakale ne tjipo tjatjo tje mathunde ne tje tjing'o.
- English26
“ ‘On the fifth day prepare nine bulls, two rams and fourteen male lambs a year old, all without defect.
African Kalanga“Mu zhuba le bushanu muyise tjibhayilo tje mikong'wana ili zhanalume, ne nyundo dzili mbili ne pkhwizana dzili gumi lina dzili nna ndume dzina gole ling'ompela, dzose dzisina bulema.
- English27
With the bulls, rams and lambs, prepare their grain offerings and drink offerings according to the number specified.
African KalangaMuyise ne tjipo tje mathunde ne zwipo zwe tjing'o muzwiyise ne mikong'wana ne nyundo ne pkhwizana, kuyendidzana nge mbalo yadzo.
- English28
Include one male goat as a sin offering, in addition to the regular burnt offering with its grain offering and drink offering.
African KalangaKakale muyise ne tjibhayilo tje mbudzi ing'ompela ye phoko tje tjibi, pezhugwi kwe tjibhayilo tjinopisiwa tjakale ne tjipo tjatjo tje mathunde ne tje tjing'o.
- English29
“ ‘On the sixth day prepare eight bulls, two rams and fourteen male lambs a year old, all without defect.
African Kalanga“Mu zhuba le butathatu muyise tjibhayilo tje mikong'wana ili zhanakadzi ne nyundo dzili mbili, ne pkhwizana ndume dzili gumi lina dzili nna dzina gole ling'ompela, dzose dzisina bulema.
- English30
With the bulls, rams and lambs, prepare their grain offerings and drink offerings according to the number specified.
African KalangaMuyise ne tjipo tje mathunde ne zwipo zwe tjing'o, muzwiyise ne mikong'wana ne nyundo ne pkhwizana kuyendidzana nge mbalo yadzo.
- English31
Include one male goat as a sin offering, in addition to the regular burnt offering with its grain offering and drink offering.
African KalangaKakale muyise ne phoko ing'ompela ye tjibhayilo tje tjibi, pezhugwi kwe tjibhayilo tjinopisiwa tjakale ne tjipo tjatjo tje mathunde ne zwipo zwe tjing'o.
- English32
“ ‘On the seventh day prepare seven bulls, two rams and fourteen male lambs a year old, all without defect.
African Kalanga“Mu zhuba le butendeka muyise tjibhayilo tje mikong'wana ili kutendeka ne nyundo dzili mbili, ne pkhwizana ndume dzina gole ling'ompela dzili gumi lina dzili nna, dzose dzisina bulema.
- English33
With the bulls, rams and lambs, prepare their grain offerings and drink offerings according to the number specified.
African KalangaNe tjipo tje mathunde ne zwipo zwe tjing'o, muzwiyise ne mikong'wana ne nyundo ne pkhwizana, nge tjilizanyo kuyendidzana nge mbalo yadzo.
- English34
Include one male goat as a sin offering, in addition to the regular burnt offering with its grain offering and drink offering.
African KalangaKakale muyise ne tjibhayilo tje mbudzi ing'ompela ye phoko tje tjibi, pezhugwi kwe tjibhayilo tjinopisiwa tjakale ne tjipo tjatjo tje mathunde ne tje tjing'o.
- African Kalanga
“Mu zhuba le buzhanakadzi mube mube ne nshangano wakayengemala, musitongobhata nshingo.
- English36
Present an offering made by fire as an aroma pleasing to the Lord, a burnt offering of one bull, one ram and seven male lambs a year old, all without defect.
African KalangaKoga muyise tjibhayilo tjinopisiwa, tjili tjipo tjinopisiwa mu moto kube nnuwho unozipa kuna Yahwe; nkong'wana nng'ompela, ne nyundo ing'ompela ne pkhwizana ndume dzili kutendeka dzina gole ling'ompela, dzose dzisina bulema.
- English37
With the bull, the ram and the lambs, prepare their grain offerings and drink offerings according to the number specified.
African KalangaNe tjipo tje mathunde ne zwipo zwe tjing'o, zwipeleka nkong'wana ne nyundo ne pkhwizana kuyendidzana ne mbalo yazo sekwa kwakafanila.
- English38
Include one male goat as a sin offering, in addition to the regular burnt offering with its grain offering and drink offering.
African KalangaKakale muyise ne phoko ing'ompela ili tjibhayilo tje tjibi, pezhugwi kwe tjibhayilo tjinopisiwa tjakale ne tjipo tjatjo tje mathunde ne tje tjing'o.
- English39
“ ‘In addition to what you vow and your freewill offerings, prepare these for the Lord at your appointed feasts: your burnt offerings, grain offerings, drink offerings and fellowship offerings. ‘”
African Kalanga“Zwibhayilo izwezwi muzwiyise kuna Yahwe nge tjibaka tjamakabigigwa tje mizano. Muyise ne zwipo zwe kutuna kwenyu ne zwe moyo ntjena ne zwibhayilo zwinopisiwa ne zwipo zwe mathunde ne zwipo zwe tjing'o nenge zwibhayilo zwe kugadzana.”
- African Kalanga
Ndizo Mushe kabudza bathu be Iziraela tjimwe ne tjimwe sekwa adwiwa ndi Yahwe.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.