The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Numbers 3English
Mbalo 3African Kalanga
- English1
This is the account of the family of Aaron and Moses at the time the Lord talked with Moses on Mount Sinai.
African KalangaEdzi ithawu ngekwe nsha wa Aroni na Mushe mu zhuba Yahwe labakalebeleka na Mushe pezhugwi kwe Dombo le Sinai.
- African Kalanga
Aroni wakabe ana bakololo bali banna: Mbano ali Nadabu, etobegwa ndi Abihu, Abihu etobegwa ndi Eleazari, Eleazari etobegwa ndi Ithamari.
- English3
Those were the names of Aaron’s sons, the anointed priests, who were ordained to serve as priests.
African KalangaBakazhodziwa bebigigwa nshingo we bupirisiti.
- English4
Nadab and Abihu, however, fell dead before the Lord when they made an offering with unauthorized fire before him in the Desert of Sinai. They had no sons; so only Eleazar and Ithamar served as priests during the lifetime of their father Aaron.
African KalangaKoga Nadabu na Abihu bakafila mbeli kwa Yahwe pabakayisa moto wakatemapala mbeli kwa Yahwe mu tjilambanyika tje Sinai, befa basina bana. Ndizo Eleazari na Ithamari bakashinga bali bapirisiti butjilo gose gwa Aroni tate babo.
- African Kalanga
Yahwe bakadwa Mushe bakati,
- African Kalanga
“Sedzedza ludzi gwa Levi mbeli kwe mpirisiti Aroni kuti babe babhatshi babe.
- English7
They are to perform duties for him and for the whole community at the Tent of Meeting by doing the work of the tabernacle.
African KalangaBakafanila kuti babhatshe Aroni kose ne gubungano lose mu mishingo ye nshasha we bushanganilo abe shinga mu bugalo gwe Ndzimu.
- English8
They are to take care of all the furnishings of the Tent of Meeting, fulfilling the obligations of the Israelites by doing the work of the tabernacle.
African KalangaBatjengete zwija zose zwe nshasha we bushanganilo, kakale bebhatsha bathu be Iziraela kushinga mu bugalo gwe Ndzimu.
- English9
Give the Levites to Aaron and his sons; they are the Israelites who are to be given wholly to him.
African KalangaUpe Aroni ne bakololo babe Balevi, wakabapiwa nge buzhalo, be shalugwa mu bathu be Iziraela.
- English10
Appoint Aaron and his sons to serve as priests; anyone else who approaches the sanctuary must be put to death.”
African KalangaUnowobiga Aroni ne bakololo babe kushinga bali bapirisiti, koga ha kuna mmwe upoga ungagwisa kukuthama abulawe.”
- African Kalanga
Yahwe bakadwa Mushe bakati,
- English12
“I have taken the Levites from among the Israelites in place of the first male offspring of every Israelite woman. The Levites are mine,
African Kalanga“Bona, ndazwitolegwa Balevi mu bathu be Iziraela kube bangu mu bumo gwe mbano imwe ne imwe inozwagwa mu bathu be Iziraela. Balevi banowobe bangu,
- English13
for all the firstborn are mine. When I struck down all the firstborn in Egypt, I set apart for myself every firstborn in Israel, whether man or animal. They are to be mine. I am the Lord.”
African Kalangangobe mbano dzose nde dzangu, ngoti mu zhuba landakabulaya mbano dzose dze Baegipiti, ndaka zwishaluligwa mbano dzose mu Iziraela, mbano ye nthu kene ye ithuwo, dzowobe dzangu, ndimi Yahwe.”
- African Kalanga
Yahwe bakadwa Mushe kakale bali mu tjilambanyika tje Sinai bakati,
- African Kalanga
“Bala Balevi nge ng'umba dza botate babo nenge misha yabo, ubale kudwa mu nlume mmwe ne mmwe ana mwedzi ng'ompela akazwagwa kuyenda pezhugwi.”
- African Kalanga
Ndizo Mushe kababala kuyendidzana ne dama la Yahwe sekwa bandwa.
- African Kalanga
Awa ndiwo mazina e bakololo ba Levi: Geshoni na Kohati na Merari.
- African Kalanga
Awa mazina e bakololo ba Geshoni nge misha yabo: Libeni na Shimeyi
- African Kalanga
Bakololo ba Kohati nge misha yabo ndi Amuramu na Izha na Heburoni na Uziele.
- English20
The Merarite clans: Mahli and Mushi. These were the Levite clans, according to their families.
African KalangaBakololo ba Merari nge misha yabo ndi Mahili na Mushi. Eyi ndiyo misha ye Balevi nge ng'umba dza botate babo.
- English21
To Gershon belonged the clans of the Libnites and Shimeites; these were the Gershonite clans.
African KalangaBakololo ba Geshoni nge misha yabo ndi Libini na Shimeyi. Eyi ndiyo misha ye Bageshoni nge ng'umba dza botate babo.
- African Kalanga
Bakabagwa kudwa mu bana betjilume bana mwedzi ng'ompela bakazwagwa kuyenda pezhugwi bakabe zwiwulu zwili kutendeka zwina mazana ali mashanu (7 500).
- African Kalanga
Be misha ye Bageshoni bakabe bakafanila baka mishasha ku bhezuba shule kwe bugalo gwe Ndzimu,
- African Kalanga
na Eliyasafu nkololo wa Laeli ali nsholo we ludzi gwe Bageshoni.
- English25
At the Tent of Meeting the Gershonites were responsible for the care of the tabernacle and tent, its coverings, the curtain at the entrance to the Tent of Meeting,
African KalangaBageshoni bakabe bakalingisana ngotjengeta bugalo gwe Ndzimu ne mukati kwago ne tjinogufukidza ne tjisitilo tji pa nkoba we nshasha we bushanganilo
- English26
the curtains of the courtyard, the curtain at the entrance to the courtyard surrounding the tabernacle and altar, and the ropes–and everything related to their use.
African Kalangane zwisitilo zwakatendenyedza bugalo gwe Ndzimu ne tjibeso tjinopisigwa zwibhayilo ne tjisitilo tje nkoba we nsha wakatendenyedza nshasha we bushanganilo ne misungo yawo, nshingo wose wakalingisana ngoshingwa ipapo.
- English27
To Kohath belonged the clans of the Amramites, Izharites, Hebronites and Uzzielites; these were the Kohathite clans.
African KalangaNg'umba ya Kohati yakabe ili ye nsha we Baamuramu ne nsha we Baizhari ne nsha we Baheburoni ne nsha we Bauzieli, misha iyeyi ndiyo ye Bakohati.
- English28
The number of all the males a month old or more was 8,600. The Kohathites were responsible for the care of the sanctuary.
African KalangaBalume bose bakabagwa kudwa muna una mwedzi ng'ompela akazwagwa kuyenda pezhugwi, bakabe bali zwiwulu zwili zhanakadzi ne mazana ali tathatu (8 600), betjengeta mishingo ye bugalo gwakayengemala.
- African Kalanga
Misha ye bakololo ba Kohati yakabe yakafanila gala ku burwa gwe bugalo gwe Ndzimu,
- African Kalanga
bana Elizafani nkololo wa Uziele ali ntungamili we ng'umba dza botate be misha ye Bakohati.
- English31
They were responsible for the care of the ark, the table, the lampstand, the altars, the articles of the sanctuary used in ministering, the curtain, and everything related to their use.
African KalangaNshingo wabo wakabe uli kutjengeta Bhokisi le Tjidumano tje Ndzimu ne tafuli ne tjigadziko tje mavone ne zwibeso ne zwija zwe bugalo gwakayengemala gunoshingisiwa nge bapirisiti ne tjisitilo, nshingo wose wakalingisana ngoshingwa ipapo.
- English32
The chief leader of the Levites was Eleazar son of Aaron, the priest. He was appointed over those who were responsible for the care of the sanctuary.
African KalangaEleazari nkololo wa Aroni mpirisiti, wakabe ali ntungamili we batungamili be Balevi, kakale akalingilila banoshinga mu bugalo gwakayengemala.
- English33
To Merari belonged the clans of the Mahlites and the Mushites; these were the Merarite clans.
African KalangaBakololo ba Merari yakabe ili Maheli na Mushi. Eyi ndiyo misha ye Bamerari nge ng'umba dza botate babo.
- African Kalanga
Balume bose bakabagwa kudwa muna ana mwedzi ng'ompela akazwagwa kuyenda pezhugwi bakabe zwiwulu zwili tathatu ne mazana ali mabili (6 200).
- English35
The leader of the families of the Merarite clans was Zuriel son of Abihail; they were to camp on the north side of the tabernacle.
African KalangaNtungamili we ng'umba ya botate be misha ya Merari wakabe ali Zuriele nkololo wa Abihaile, bakabe bakafanila gala ku bunandzwa gwe bugalo gwe Ndzimu.
- English36
The Merarites were appointed to take care of the frames of the tabernacle, its crossbars, posts, bases, all its equipment, and everything related to their use,
African KalangaBakololo ba Merari bakabigwa kutjengeta makwasayili e bugalo gwe Ndzimu ne makoko ne phanda ne misemo ne zwithu zwazo zose ne nshingo wose wakalingisana ne zwithu izwezwi,
- African Kalanga
nenge phanda dzakapoteleka nsha ne misemo yadzo ne mbambo ne misungo yawo.
- English38
Moses and Aaron and his sons were to camp to the east of the tabernacle, toward the sunrise, in front of the Tent of Meeting. They were responsible for the care of the sanctuary on behalf of the Israelites. Anyone else who approached the sanctuary was to be put to death.
African KalangaMushe na Aroni ne bakololo babe bakabe bakafanila gala mbeli kwe bugalo gwe Ndzimu ku bhezhuba, mbeli kwe nshasha we bushanganilo, bakalingisana ne kunobhuda zhuba, bakalingisana ngoshinga mishingo ye bugalo gwakayengemala ne tjimwe ne tjimwe tjakafanila yitigwa bathu be Iziraela, koga kwakabe kuti ntaya esedzela ebulawa.
- English39
The total number of Levites counted at the Lord’s command by Moses and Aaron according to their clans, including every male a month old or more, was 22,000.
African KalangaBalevi bose be tjilume kudwa mu mwana we mwedzi azwagwa kuyenda pezhugwi bakabagwa ndi Mushe na Aroni nge misha yabo nge ndaulo ya Yahwe, bakabe bali zwiwulu zwili makumi mabili ana mabili (22 000).
- English40
The Lord said to Moses, “Count all the firstborn Israelite males who are a month old or more and make a list of their names.
African KalangaYahwe bakadwa Mushe bakati, “Bala bana bose be bathu be Iziraela be mbano be tjilume, kutangisa ne una mwedzi akazwagwa kuyenda pezhugwi, ubabale nge mazina.
- English41
Take the Levites for me in place of all the firstborn of the Israelites, and the livestock of the Levites in place of all the firstborn of the livestock of the Israelites. I am the Lord.”
African KalangaNgono unditolele Balevi, mu bumo gwe mbano dzose dze bathu be Iziraela, ne bana be kutanga be zwithuwo zwe Balevi mu bumo gwe bana be kutanga be zwithuwo zwe bathu be Iziraela, ndimi Yahwe.”
- African Kalanga
Ndizo Mushe kabala mbano dzose dze bathu be Iziraela sekwa akadwiwa ndi Yahwe.
- African Kalanga
Ngono be tjilume bose be mbano bakabagwa nge mazina, kudwa muna una mwedzi ng'ompela kuyenda pezhugwi, bakabe bali zwiwulu zwili makumi mabili ana bubili ne mazana ali mabili ana makumi ali kutendeka ana butatu (22 273).
- African Kalanga
Yahwe bakadwa Mushe bakati,
- English45
“Take the Levites in place of all the firstborn of Israel, and the livestock of the Levites in place of their livestock. The Levites are to be mine. I am the Lord.
African Kalanga“Tjitola Balevi mu bumo gwe mbano dzose dze bathu be Iziraela ne zwithuwo zwe Balevi mu bumo gwabo, ngono Balevi banowobe bangu, ndimi Yahwe.
- African Kalanga
Se bana be tjilume be mbano be bathu be Iziraela bekulila be Balevi nge bali mazana mabili ana makumi ali kutendeka ne butatu, (273) bakafanila dzutunula mbalo ipezhugwi kwe mbalo ye Balevi.
- English47
collect five shekels for each one, according to the sanctuary shekel, which weighs twenty gerahs.
African KalangaNg'ompela unlipile nge maloso e siliva ali mashanu, kuyendidzana nge shekele dze bugalo gwakayengemala, shekele kuli gira dzili makumi mabili (20),
- African Kalanga
mari akadzutunula be mbalo yakapinda uape Aroni ne bakololo babe.”
- English49
So Moses collected the redemption money from those who exceeded the number redeemed by the Levites.
African KalangaMushe katola mari ye kudzutunugwa muna ibaba bakabe bepinda nge mbalo yakadzutunugwa nge Balevi
- English50
From the firstborn of the Israelites he collected silver weighing 1,365 shekels, according to the sanctuary shekel.
African KalangaWakatola maloso e shekele dzili tjiwulu tjing'ompela tjina mazana matatu ana makumi ali tathatu ana mashanu (1 365) kuyendizana ne shekele dze bugalo gwakayengemala mu mbano dze bathu be Iziraela.
- English51
Moses gave the redemption money to Aaron and his sons, as he was commanded by the word of the Lord.
African KalangaMari e kudzutunugwa Mushe kaapa Aroni ne bakololo babe kuyendidzana ne dama la Yahwe sekwa Yahwe bakabe bandwa.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.