The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Numbers 32English
Mbalo 32African Kalanga
- English1
The Reubenites and Gadites, who had very large herds and flocks, saw that the lands of Jazer and Gilead were suitable for livestock.
African KalangaIpapo bakololo ba Rubheni ne bakololo ba Gadi bakabe bana zwithuwo zwinjinji. Ngono bakabona kuti shango ye Jazeri neye Giliyadi yakanakila zwithuwo.
- African Kalanga
Ndizo bakololo ba Gadi ne bakololo ba Rubheni bakayenda kuna Mushe na Eleazari mpirisiti ne batungamili be gubungano bakabadwa bakati,
- African Kalanga
“Ataroti ne Diboni ne Jazeri ne Nimera ne Heshibhoni ne Elealeya ne Sebamu ne Nebo ne Bheoni,
- English4
the land the Lord subdued before the people of Israel–are suitable for livestock, and your servants have livestock.
African Kalangashango yakatapiwa mbeli kwe gubungano le bathu be Iziraela nge bhatsho ya Yahwe yakanakila zwithuwo. Ngono balanda benyu bana zwithuwo.”
- English5
If we have found favor in your eyes,” they said, “let this land be given to your servants as our possession. Do not make us cross the Jordan.”
African KalangaNgono bakati, “Apa mutiwhila ngoni, ipani balanda benyu shango iyeyi kube yedu, musitongo batjuludzila seli kwe gwizi gwe Jorodani.”
- English6
Moses said to the Gadites and Reubenites, “Shall your countrymen go to war while you sit here?
African KalangaMushe kashandula bakololo ba Gadi ne bakololo ba Rubheni eti, “Apa bana ba tate benyu banowoyenda ku ngwa imwi musala ipapa kene?
- African Kalanga
Ini mushaka nyadza moyo bathu be Iziraela kuti basitjulukile seli kwe gwizi gwe Jorodani kunongina mu shango yabakapiwa ndi Yahwe kene?
- African Kalanga
Nditjo tjakathamwa ndi botate benyu, pandakabatuma bedwa mu Kadeshibhareneya kunoshola shango.
- English9
After they went up to the Valley of Eshcol and viewed the land, they discouraged the Israelites from entering the land the Lord had given them.
African KalangaNgoti bakati bathathila ku Nkuku we Eshikholi, bakati bebona shango, bakanyadza moyo bathu be Iziraela kuti basingine mu shango yabakapiwa ndi Yahwe.
- African Kalanga
Ngono Yahwe bakazhala bushongola kwazo mu zhuba ilelo, ngono bakatuna beti,
- English11
‘Because they have not followed me wholeheartedly, not one of the men twenty years old or more who came up out of Egypt will see the land I promised on oath to Abraham, Isaac and Jacob–
African Kalanga‘Ndolebesa nditi, akuna nthu ne nng'ompela wakadwa ku Egipiti kudwa muna bana makole ali makumi mabili kuyenda pezhugwi, unowobona shango yandakatuna nditi ndowoipa Abhurahama na Isaki na Jakubo, ngobe abazondiwhilila.’
- English12
not one except Caleb son of Jephunneh the Kenizzite and Joshua son of Nun, for they followed the Lord wholeheartedly.’
African KalangaAkuna ne nng'ompela kuzhe kwa Khalebu nkololo wa Jefune we N'kenizi na Joshuwa nkololo wa Nuni, ngobe bakandiwhilila.
- English13
The Lord’s anger burned against Israel and he made them wander in the desert forty years, until the whole generation of those who had done evil in his sight was gone.
African KalangaYahwe bakazhala bushongola bakathama kuti Baiziraela badzungayile mu tjilambanyika kwe makole ali makumi manna (40), kudzina tjizekugwana tjakathama mbipo mbeli kwabo tjiloba.
- English14
“And here you are, a brood of sinners, standing in the place of your fathers and making the Lord even more angry with Israel.
African KalangaNgono bonani, namwibo moshaka yedza botate benyu, lutshinga gwe batjinyi, moshaka paphidzila Iziraela bushongola gwa Yahwe gunotjisa kakale.
- English15
If you turn away from following him, he will again leave all this people in the desert, and you will be the cause of their destruction.”
African KalangaNgoti ha mufupatila Yahwe banowosiya bathu ibaba kakale mu tjilambanyika, ngekujalo mothama kuti bathu bose ibaba balobesiwe.”
- English16
Then they came up to him and said, “We would like to build pens here for our livestock and cities for our women and children.
African KalangaNgono bakasedzela kuna Mushe bakandwa bakati, “Towobakila zwithuwo zwedu matanga ipapa, tikabuya tikabakila bana bedu mizi mikulu.
- English17
But we are ready to arm ourselves and go ahead of the Israelites until we have brought them to their place. Meanwhile our women and children will live in fortified cities, for protection from the inhabitants of the land.
African KalangaShule kwa ikoku, towotola zwibhayano tikazwilulwamisila kutungamila bathu be Iziraela kuyenda ku ngwa. Kudzina tinobakotosa ku shango yabanowogala. Ngono bana bedu banowogala mu mizi mikulu ye matizhilo, kubabakilila mu bathu be shango iyeyi.
- African Kalanga
Atitowobgwilila ku mizi yedu kudzina mmwe ne mmwe we bathu be Iziraela agadzikana mu bugalo gwaapiwa.
- English19
We will not receive any inheritance with them on the other side of the Jordan, because our inheritance has come to us on the east side of the Jordan.”
African KalangaNgoti iswi atinganowana bugalo nabo seli kwe gwizi gwe Jorodani, ngobe iswi takawana bugalo ku bhezhuba seli ino kwe gwizi gwe Jorodani.”
- English20
Then Moses said to them, “If you will do this–if you will arm yourselves before the Lord for battle,
African KalangaNdizo Mushe kabadwa kati, “Apa kuli kuti mowothama sekwa munoleba, timbeli kwa Yahwe sangwenu, tolani zwibhayano muyende ku ngwa.
- English21
and if all of you will go armed over the Jordan before the Lord until he has driven his enemies out before him–
African KalangaMbhayani mmwe ne mmwe wenyu unowotjuluka gwizi gwe Jorodani akatungamigwa ndi Yahwe, unowogwa ne zwita zwizwe kudzina Yahwe bezwikunda.
- English22
then when the land is subdued before the Lord, you may return and be free from your obligation to the Lord and to Israel. And this land will be your possession before the Lord.
African KalangaNgono mowokunda shango mbeli kwa Yahwe, mube mubuya musitjina nlandu kuna Yahwe ne mu Baiziraela. Ndizo Yahwe banowomusunungulila shango iku bhezhuba kwe Jorodani kube yenyu.
- English23
“But if you fail to do this, you will be sinning against the Lord; and you may be sure that your sin will find you out.
African KalangaKoga ha musingake mukashingikadza tjamaleba, bonani, mowobe mathama tjibi mbeli kwa Yahwe. Ngono ndomubudza, mowolobgwa shamu ngekwe tjibi tjenyu.
- English24
Build cities for your women and children, and pens for your flocks, but do what you have promised.”
African KalangaBakilani bana benyu mizi mikulu, ne pkhwizi dzenyu matanga, mube mushingikadza tjamagadzabgwe.”
- African Kalanga
Bakololo ba Gadi ne bakololo ba Rubheni bakadwa Mushe bakati, “Balanda benyu banowothama sekwa badwiwa ndi tetshi wabo.
- African Kalanga
Bana bedu ne bakadzi bedu ne zwithuwo zwedu kose kowosala ipapa mu mizi mikulu ye Giliyadi.
- English27
But your servants, every man armed for battle, will cross over to fight before the Lord, just as our lord says.”
African KalangaKoga balanda benyu banowotjuluka Jorodani, mbhayani mmwe ne mmwe unoyenda ku ngwa akatungamigwa ndi Yahwe sekunoleba tetshi wedu.”
- English28
Then Moses gave orders about them to Eleazar the priest and Joshua son of Nun and to the family heads of the Israelite tribes.
African KalangaNdizo Mushe kapa ndaulo nge kwabo kuna Eleazari mpirisiti na Joshuwa nkololo wa Nuni ne ku batungamili be njudzi dze bathu be Iziraela.
- English29
He said to them, “If the Gadites and Reubenites, every man armed for battle, cross over the Jordan with you before the Lord, then when the land is subdued before you, give them the land of Gilead as their possession.
African KalangaNgono Mushe kabadwa Kati, “Apa bakololo ba Gadi ne bakololo ba Rubheni bangatjuluka Jorodani bakayenda ku ngwa bali pasi kwe ndaulo ya Yahwe, ngono ha kungati nge bhatsho yabo mukakunda shango, mubape shango ye Giliyadi kube yabo.
- English30
But if they do not cross over with you armed, they must accept their possession with you in Canaan.”
African KalangaKoga ha basingake bakatjuluka Jorodani bakayenda ku ngwa namwi, bapiwe shango ku Kanana, baishanganyile namwi.”
- African Kalanga
Ngono bakololo ba Gadi ne bakololo ba Rubheni bakashandula beti, “Yahwe sekwa baleba, towothama tiijalo.
- English32
We will cross over before the Lord into Canaan armed, but the property we inherit will be on this side of the Jordan.”
African KalangaTowotjuluka Jorodani tiyenda ku ngwa ku Kanana tili pasi kwe ndaulo ya Yahwe, kuti ndizo tiwane thaka yedu ipapa seli ino ku bhezhuba kwe Jorodani.”
- English33
Then Moses gave to the Gadites, the Reubenites and the half-tribe of Manasseh son of Joseph the kingdom of Sihon king of the Amorites and the kingdom of Og king of Bashan–the whole land with its cities and the territory around them.
African KalangaNdizo Mushe kapa bakololo ba Gadi ne bakololo ba Rubheni ne gwamu le ludzi gwa Manase nkololo wa Josefa ntuthu wose wa Mambo Sihoni we Baamori na Mambo Ogi we Bhashani, kushanganyila ne mizi mikulu ne shango yakaipoteleka.
- African Kalanga
Bakololo ba Gadi bakabaka maswingo e Dibhoni ne Ataroti ne Aroeri
- African Kalanga
ne Atirotishofani ne Jezeri ne Jogebheha
- African Kalanga
ne Bhetinimirahi ne Bhitiharani ne matanga e pkhwizi.
- African Kalanga
Ngono bakololo ba Rubheni bakabaka e Heshibhoni ne Elealehi ne Kiriathaimu
- English38
as well as Nebo and Baal Meon (these names were changed) and Sibmah. They gave names to the cities they rebuilt.
African Kalangane Nebo ne Bhaalemeyoni (zina ileli lakashandugwa) ne Sibhemahi. Mimwe mizi yabakabaka bakaipa mazina apoga.
- English39
The descendants of Makir son of Manasseh went to Gilead, captured it and drove out the Amorites who were there.
African KalangaLudzi gwa Makiri nkololo wa Manase gukanonginililia shango ye Giliyadi gukaitola, gube gutata Baamori bakabe baligele muili.
- English40
So Moses gave Gilead to the Makirites, the descendants of Manasseh, and they settled there.
African KalangaNgono Mushe kapa Makiri shango ye Giliyadi kagala muili.
- African Kalanga
Jairi tjizekugwana tja Manase kanotapa mizi yabo, kaidana Havojaire.
- English42
And Nobah captured Kenath and its surrounding settlements and called it Nobah after himself.
African KalangaNobahi kanotapa shango ye Kenati ne mizi yayo, ngono kaidana nge zina lile eti Nobahi.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.