The English-Kalanga Bilingual Language Learning Bible
Old Testament
Read each verse in English beside its African Kalanga equivalent.
Numbers 9English
Mbalo 9African Kalanga
- English1
The Lord spoke to Moses in the Desert of Sinai in the first month of the second year after they came out of Egypt. He said,
African KalangaYahwe bakalebeleka na Mushe mu tjilambanyika tje Sinai, mu mwedzi we kutanga mu gole le bubili shule kwe Baiziraela basinobe babhuda mu shango ye Egipiti beti,
- African Kalanga
“Bathu be Iziraela balondolodze Nzano we Kupinda pezhugwi mu nsi wawakabigigwa.
- English3
Celebrate it at the appointed time, at twilight on the fourteenth day of this month, in accordance with all its rules and regulations.”
African KalangaMu zhuba le bugumi lina ali manna le mwedzi uwoyu kuli madekwana zhuba langina, muulondolodze mu nsi wawakabigigwa, kuyendidzana nge milayo yawo yose, nenge ndaulo dzawo.”
- African Kalanga
Ndizo Mushe kabudza bathu be Iziraela kuti bakafanila londolodza Nzano we Kupinda pezhugwi.
- English5
and they did so in the Desert of Sinai at twilight on the fourteenth day of the first month. The Israelites did everything just as the Lord commanded Moses.
African KalangaBathu be Iziraela bakalondolodza Nzano we Kupinda pezhugwi mu mwedzi we kutanga nge zhuba le bugumi lina ali manna, madekwana e zhuba langina, bali mu tjilambanyika tje Sinai. Bakathama kose Yahwe sekwa bakalaulila Mushe.
- English6
But some of them could not celebrate the Passover on that day because they were ceremonially unclean on account of a dead body. So they came to Moses and Aaron that same day
African KalangaNgono kwakabe kuna bamwe bathu bakabe bakatemapala babhata itumbu, ndizo bakasilondolodze Nzano we Kupinda pezhugwi zhuba ilelo, bakayenda kuna Mushe na Aroni
- English7
and said to Moses, “We have become unclean because of a dead body, but why should we be kept from presenting the Lord’s offering with the other Israelites at the appointed time?”
African Kalangabakabadwa bakati, “Iswi takatemapala ngoti tabhata itumbu, ini tidzibisiwa kuyisa tjipo kuna Yahwe nge nsi watjakabigigwa ne bamwe bathu be Iziraela kene?”
- African Kalanga
Mushe kabashandula eti, “Imani kudzina ndiwha kuti Yahwe banondidwani nge kwenyu.”
- African Kalanga
Yahwe bakadwa Mushe bakati,
- English10
“Tell the Israelites: ‘When any of you or your descendants are unclean because of a dead body or are away on a journey, they may still celebrate the Lord’s Passover.
African Kalanga“Lebeleka ne bathu be Iziraela uti, ‘Ha mmwe wenyu kene tjizekugwana tjenyu akatemapala ngobhata itumbu, kene asipo akatola gwendo, unonginilila Nzano we Kupinda pezhugwi wa Yahwe.
- English11
They are to celebrate it on the fourteenth day of the second month at twilight. They are to eat the lamb, together with unleavened bread and bitter herbs.
African KalangaMu mwedzi we bubili uli gumi lina ali manna madekwana zhuba langina, mowozana nzano we tjiwunga tjisina mbidzo ne milibo inobaba.
- English12
They must not leave any of it till morning or break any of its bones. When they celebrate the Passover, they must follow all the regulations.
African KalangaBasitongo biga zojiwa izwezwi kuswikila tjimuka, kene kuvuna fupa le tjimwe tje zwibhayilo. Balondolodze Nzano we Kupinda pezhugwi kuyenda nge mipanga yawo yose.
- English13
But if a man who is ceremonially clean and not on a journey fails to celebrate the Passover, that person must be cut off from his people because he did not present the Lord’s offering at the appointed time. That man will bear the consequences of his sin.
African KalangaKoga nthu unowobe akatjenapala alipo asatola gwendo, ebe asinganginilile nzano, nthu wakajalo athubugwe muna bakanyi kwabo, ngobe asayisa tjibhayilo kuna Yahwe mu nsi watjakabigigwa, nthu wakajalo unowosenga tjibi tjitje nge mathudzi.
- English14
“ ‘An alien living among you who wants to celebrate the Lord’s Passover must do so in accordance with its rules and regulations. You must have the same regulations for the alien and the native- born.’”
African Kalanga“ ‘Ngono ha kuna ntaya ugele namwi, eshaka kulondolodza Nzano we Kupinda pezhugwi wa Yahwe, wakafanila kuulondolodza kuyendidzana nge mipanga nenge milayo ye Nzano we Kupinda pezhugwi. Nlayo ube nng'ompela mu ntebe kene mu ntaya.’ ”
- English15
On the day the tabernacle, the Tent of the Testimony, was set up, the cloud covered it. From evening till morning the cloud above the tabernacle looked like fire.
African KalangaMu zhuba lakabambugwa bugalo gwe Ndzimu, gole linonga moto lakagukwitidza kudwa zhuba lingina kuswikila tjimuka.
- African Kalanga
Kwakagala kwakajalo, gole lakagukwitidza busiku gole liboneka linga moto.
- English17
Whenever the cloud lifted from above the Tent, the Israelites set out; wherever the cloud settled, the Israelites encamped.
African KalangaKwakabe kuti gole litolegwa pezhugwi lifukula nshasha, bathu be Iziraela bakabe bedwilidza gwendo, kuti gole palinobe lidelukila pasi, bathu be Iziraela bekotokela ipapo.
- English18
At the Lord’s command the Israelites set out, and at his command they encamped. As long as the cloud stayed over the tabernacle, they remained in camp.
African KalangaBathu be Iziraela bakabe bemilika badwiwa ndi Yahwe, kakale be kotoka badwiwa ndi Yahwe, begala pa bakakotokela gole lakakwitidza bugalo gwe Ndzimu kudzina gole limilika.
- English19
When the cloud remained over the tabernacle a long time, the Israelites obeyed the Lord’s order and did not set out.
African KalangaNenguba gole lingama lakakwitidza bugalo gwe Ndzimu kwe mazhuba malefu, bathu be Iziraela bakabe belondolodza ndaulo ya Yahwe, basingake bakadwilidza gwendo.
- English20
Sometimes the cloud was over the tabernacle only a few days; at the Lord’s command they would encamp, and then at his command they would set out.
African KalangaTjimwe tjibaka gole lakabe lima lakakwitidza bugalo gwe Ndzimu kwe mazhuba mafupi, ngekwe ndaulo ya Yahwe bathu be Iziraela bakabe begala koga mu bukotokelo, kube kuti Yahwe balaula kuti badwilidze gwendo, bakadwilidza gwendo.
- English21
Sometimes the cloud stayed only from evening till morning, and when it lifted in the morning, they set out. Whether by day or by night, whenever the cloud lifted, they set out.
African KalangaTjimwe tjibaka gole lakabe lima lakakwitidza nshasha kudwa zhuba lingina kunoti mangwanana, bebe bemilika. Kene ladwilila masikati wose nenge busiku, ha gole latolegwa pezhugwi bakabe bedwilidza gwendo.
- English22
Whether the cloud stayed over the tabernacle for two days or a month or a year, the Israelites would remain in camp and not set out; but when it lifted, they would set out.
African KalangaNenguba kungabe mazhuba mabili kene mwedzi kene tjibaka tjinopinda itjetjo, gole lili mile lakakwitidza bugalo gwe Ndzimu, bathu be Iziraela bakabe begala koga mu bukotokelo basingake bakamilika, koga lakabe liti latolegwa pezhugwi bebe bedwilidza gwendo.
- English23
At the Lord’s command they encamped, and at the Lord’s command they set out. They obeyed the Lord’s order, in accordance with his command through Moses.
African KalangaBakabe bekotoka nge ndaulo ya Yahwe, bebe bedwilidza gwendo nge ndaulo ya Yahwe. Bakabe bewhilila ndaulo ya Yahwe sekwa bakadwa Mushe.
Source: The English-Kalanga Bilingual Language Learning Bible, Ndzimu-unami Emmanuel Moyo, 2026. This online edition was extracted and reformatted from the PDF edition. Licensed under CC BY-NC-SA 4.0.